عمليه عيون

يره_محمد فضلت قاعدة على السرير مش قادرة أتحرك ولا حتى أرمش بعيني   كنت ببص لوش أحمد والدموع بتتجمع في عيني وأنا بحاول أستوعب اللي شايفاه  

الراجل اللي عشت معاه سنين طويلة واللي كنت فاكرة إني عارفاه أكتر من نفسي طلع مخبي عني سر أكبر من قدرتي على الاحتمال

رفعت إيدي ببطء ناحية وشه وأنا بترعش

  أحمد لاحظ حركة إيدي فرجع لورا بسرعة وكأنه خايف ألمسه   الحركة دي لوحدها خلت قلبي يتقبض   قلتله بصوت متقطع   إنت بتبعد عني ليه   رد وهو بيبص للأرض   عشان عارف إنك مش قادرة تستحملي الحقيقة   قلتله وأنا بحاول أسيطر على رعشة صوتي   حقيقة إيه يا أحمد   إنت مين   أنا عشت معاك عشرين سنة وأنا فاكرة إني عارفاك   إزاي تبقى واقف قدامي دلوقتي وتخليني أحس إني أول مرة أشوفك فيها

  رفع عينيه ليا وكانت الدموع مالية وشه   وقال   أنا أحمد يا مريم   جوزك وأبو ولادك

أنا نفس الشخص اللي كان بيقعد جنبك بالليل لما كنتي بتعيطي عشان مش قادرة تشوفي ولادك   أنا اللي كنت بمسك إيدك وإنتي بتتعلمي تمشي في البيت من غير ما تخبطي في الحاجات   أنا اللي كنت بوعدك كل يوم إني هرجعلك نظرك   لكن أنا كمان الشخص اللي كدب عليكي سنين طويلة   الكلمة الأخيرة نزلت عليا زي الس/كينة   كدب عليا   يعني إيه   إنت كنت بتكدب عليا في إيه

  سكت شوية وبعدين قال   قبل ما أجاوبك عايزك تسمعيني للآخر   قلتله بحدة   أنا سمعتك عشرين سنة يا أحمد   دلوقتي دورك إنت اللي تتكلم   حط إيده على وشه وفضل ساكت شوية قبل ما يبدأ يحكي   قال إن الحقيقة بدأت قبل ما نتجوز بوقت طويل   قبل ما أعرفه أصلًا   وقبل ما أفقد نظري بسنين   وبعدين بصلي وقال   فاكرة الحادثة اللي فقدتي فيها نظرك

  هزيت راسي وقلتله

طبعًا فاكرها   دي أكتر حاجة غيرت حياتي   قال   الولد اللي زقك عند المراجيح مكانش بيهزر معاكي زي ما كنتي فاكرة   بصيتله بصدمة   إنت بتقول إيه   كمل كلامه بصوت واطي   الولد ده كان ابني خالتي واسمه كريم   كان أكبر منك بكام سنة وكان معروف عنه إنه عصبي ومتهور   في اليوم ده كان بيتخانق مع بنت من الجيران وإنتي كنتي واقفة قريب منهم